TARIHIN GONI MUHAMMAD KABIR YA'AQUB KANO
Rubutawa: Aminu Aliyu Sakwaya
FARKON RAYUWA
An haifeshi a 1966 a unguwar Yan awaki da ke birnin Kano.
Mahaifinsa ya kasance malami, mahaddacin Alkur'ani mai girma.
Ya yi karatu a wajen mahaifinsa da kuma kawunsa Mallam Garba, daga nan ya ci gaba a wajen Mallam Shu'aib dan Ringim bayan rasuwar mahaifinsa.
A 1979 mahaifinsa ya kai shi Maiduguri tsangayar Goni Adam dan Dakaso inda a nan ya kammala haddar Alkur'ani mai girma cikin kananan shekaru.
Daga nan ya shiga makarantun ilimi a nan Maiduri ya ci gaba da neman ilimin addinin musulunci.
Ya koyi ilimin tajwidi a wajen Goni Habu a Maiduguri, inda ya karanta littafin Hidayatul Murid da wasu littafan a wajensa.
MUSABAQA
1987 Borno - Ya yi musabakar izu sittin a ckin kwaryar birnin Maiduguri inda ya yi na uku, da aka hada da sauran kauyuka (kila ta zone) sai ya yi na biyar.
(Bai samu wakilci zuwa Jaha ba).
1987 Kano - Ya dawo gida hutu bayan kammala musabakar Borno, a Kano kuma lokacin ba a gama musabaka ba. Ya yi musabakar izu sittin a kwaryar birnin Kano inda ya yi na biyu a matakin karamar hukuma Kano Municpal.
1st: Gwani Nasir Abdullahi
2nd: Goni Kabir Ya'aqub
3rd: Gwani Lawi Gwani Dan Zarga
A MATAKIN JAHA KUMA:
1st: Gwani Nasiru Abdullahi
2nd: Sheikh Ja'afar Mahmud Adam
3rd:Gwani Lawi Gwani Dan Zarga
4th: Goni Kabir Ya'aqub
1988 - Kano - Ya sake na hudu a matakin Jaha
1989 Kano - Ya yi na daya a matakin Jaha
WADANDA SUKA WAKILCI KANO A WANNAN SHEKARAR A MUSABAKAR KASA A BAUCHI SU NE:
60 da Tafsiri: Sheikh Alkali Jibril Muhammad Mustapha Birnin Kudu
60 Hizb: Goni Kabir Ya'qub
40 Hizb: Goni Muhammad Khamis Umar
20 Hizb: Goni Abdul'aziz Hussain Akarami
10 Hizb: Mallam Auwal Abdulmumin
2 Hizb : Mallam Muhammad Tijjani Lawan
BANGAREN MATA:
Gwana Karimatu Sahalu - 30 Hizb
Maryam Ibrahim Kafin Hausa - Allah Ya mata rahama
Rumasa'u Shehu Ibrahim.
MUSABAKAR KASA A BAUCHI 1990
A matakin kasa, sai Mallam Jibril Muhammad Mustapha da Goni Kabir Ya'aqub suka samu nasarar mataki na daya, izu sittin da tafsir (Gwarzon Shekara) da izu sittin kenan. Sai dai ba su samu wakiltar Najeriya a musabakar duniya da ke Saudiyya ba sakamakon fara yakin tekun Fasha (Gulf War).
1ST POSITIONS WINNERS - 1990 BAUCHI NATIONAL MUSABAQAH
60 Hizb & Tafseer: Jibril Muhammad Mustapha Kano State
60 Hizb: Muhammad Kabir Ya'aqub Kano State
40 Hizb: Alghali Bishara Borno State
20 Hizb: Khamis Balarabe Plateau State - Allah Ya masa rahama
10 Hizb: Nasir Abdurrahman Funtua Katsina State
ALKALANCIN MUSABAQA
1998 - An nada shi alkalin musabakar a Jahar Kano a matakin kananan hukumomi
2003-2007: Ya yi alkalanci a musabakar kasa ta Najeriya bangaren maza
2007 - An zabeshi daga Najeriya inda ya yi alkalanci a musabakar duniya ta Sarki Abdul'aziz da ake gabatarwa a Saudiyya duk shekara.
NADIN GONI
2007 - Goni Abdullahi Borno ya nada shi Goni daga shawarin malaminsa Goni Adam dan Dakaso.
KARATUN QIRA'AT
Alhaji Ado Dan Dawaki ya dauki nauyinsa inda ya tafi Misra ya yi karatun Qira'at a wajen Sheikh Ridha Salim shekara daya.
Ya samu International Scholarship karkashin Gwamnar Jahar Kano na mulkin soja Kanar Idris Garba inda ya koma Misra ya shekara uku a Ma'ahad Qira'at bangaren Aliyat-Qira'at, ya kuma samu ijaza a Qira'o'i goma wajen Sheikh Saleem Ridha.
KARATUN ZAMANI
2010 - Ya kammala N.C.E a Sa'adatu Rimi College of Education, Kano
2013 - 2017: B.Ed Islamic Education - Northwest University, Kano
2019 2021: Master's Degree - Islamic Studies - Bayero University, Kano
2021 - Date - Ya fara Ph.D a Bayero University, Kano
MAJALISIN KARANTARWA
Babban majlisin da ake koyon karatun Alkur'ani da Ada'i da Qira'at da tadribin yan musabaqah dake unguwar Dorayi cikin birnin Kano.
Duk Asabar da Lahadi bayan sallar Asuba Goni Kabir na karantarwa a wannan majalisi - Allah Ya saka masa da alheri.
WASU DAGA CIKIN TSOFFIN MAHALARTA WANNAN MAJALISI
Zai yi wuya ka samu mutum daya da ya kasance zakara a musabaqar Jahar Kano da kuma kewayenta face Goni Kabir ya karantar da shi, ko kuma daliban Goni Kabir sun karantar da shi.
Lalle mafiya kyawun karatun Alkur'ani a Kano da kuma kewayanta za ka samu sun fa'idanta da kwarewa da baiwa da gogewa da iya karatu da rerawa da kuma kyan ada'i da Qira'at da Allah Yai wa Goni Kabir Ya'aqub.
Ana daukarsa Jaha-Jaha domin ya yi wa dalibai da yan musabaqah tadribi na yadda ake karatun Alkur'ani mai girma.
Ga wasu daga cikin zakaru a musabakar Alkurani mai girma da wannan majalisi ya yaye;
Mazidu Adam Shu'aib - Gwarzon Shekara 2003 Nasarawa
Zubair Hamza Dahir - Gwarzon Shekara 2005 Kano
Kabir Abubakar Musa - Gwarzon Shekara da Duniya 2013 Zamfara
Jamilu Lawan - 2004 Kebbi 40 Hizb 1st
Aminu Hassan - 2009 Edo 60 Hizb 1st
Mukhtar Barnoma - Gwarzon Shekara 2009 Edo
Idris Abdulkadir - 2006 Bauchi 60 Hizb 1st
Shamsu Lawan - 2007 -40H-2nd | 2010 -60H-5th | 2014-Tafsir-4th | Kuwait
Abdullahi Aliyu - 2013 Zamfara 60 Hizb - 1st
Mulkhtar Umar
Faruq Goni Kabir Ya'aqub - Ya sha wakiltar Kano a musabakar kasa
Da sauran dubunnan mutane.
Allah Ya sakawa Mallam da alheri Ya karbi aiyukansa na alkhairi Ya kyautata bayansa.
Littafin da aka duba: Littafin Tatawwur na Dr. Rufa'i Uba Hamza Gabari da sauran takardun bincike
